La scola da Trin è suttamessa al cussegl da scola da Trin che consista da tschintg commembras e commembers, tranter quels era il suprastant communal responsabel per la scola. In commember da Trin fa part sco vusch consultativa dal cussegl da scola da la scola superiura da Flem. Il cussegl da scola maina e controllescha la scola e realisescha la legislaziun da scola chantunala e communala. El ademplescha tut las incumbensas en connex cun fatgs da scola che n’èn tenor decrets chantunals u communals betg chaussa dad in’autra autoritad u instanza.

Las incumbensas detagliadas èn descrittas en l’urden da scola.

Ultra da quai ha il cussegl da scola la pussaivladad da surdar cumpetenzas ed obligaziuns ch’èn tenor la legislaziun da scola chantunala incumbensa dal cussegl da scola a la direcziun da la scola e da decretar ils reglaments correspundents.