Prender a fit localitads

En la scola da Trin datti la pussaivladad da prender a fit l’aula e la halla da gimnastica en la halla polivalenta per intents privats.

As infurmai sin nossa pagina-web u telefonai a noss pedel cun il numer da telefon 078 811 00 38 per As infurmar davart las pussaivladads da fit.
Empleni il formular a moda digitala. Alternativamain pudais Vus retrair quel era tar la direcziun da scola da Trin u en chanzlia communala.
Returnai il formular emplenì e suttascrit persunalmain a la direcziun da scola: Christian Erni, Via Principala 76, 7014 Trin.
La direcziun da la scola ed il pedel controlleschan il formular ed As dattan la lubientscha, sche tut è en urden.
Las tariffas per prender a fit in local èn definidas tenor il regulativ da taxas. Per ina lubientscha sur l’entir onn u per mez onn trametta la chanzlia communala enavos il formular ensemen cun il quint.
Per il diever temporar datti il quint pir suenter l’occurrenza, perquai ch’ils custs da nettegiar supplementars vegnan resguardads directamain.

Faschai p.pl. stim che la reservaziun è pir valaivla, cura che Vus avais survegnì la conferma en scrit.

Reservaziun