In onn da scola en il chantun Grischun dura 39 emnas. Las vacanzas vegnan fixadas dal chantun e da la vischnanca da scola.

Il cumenzament da la scola a la fin da la stad vegn definì dal departament d’educaziun dal chantun Grischun. Quel determinescha era las vacanzas d’atun e da Nadal. Las vacanzas da sport e da primavaira po la vischnanca definir sezza. Perquai ch’ils uffants da la superiura van a scola a Flem, vegn la planisaziun da vacanzas fatga communablamain. Savens sa drizza quella er anc tenor la scola chantunala a Cuira perquai ch’intgins uffants frequentan lezza.

La finamira da la planisaziun da vacanzas è ch’il temp tranter las vacanzas duess esser pli u main tuttina lung. Ils plans da vacanzas vegnan examinads da l’inspecturat da scola responsabel e lura approvads.