La cuntrada da las saivs vivas a Trin sto vegnir tgirada. Ensemen cun il selvicultur Riccardo Ryffel ed il Project en favur dal guaud da muntogna organiseschan las persunas d’instrucziun in di per tgirar las saivs vivas. Tut ils uffants da la scola da Trin, lur geniturs, il team da selviculturs da Flem e Trin, ils manaders da team dal Project en favur dal guaud da muntogna, ils purs da Trin e l’uniun da chaglioms e puma Trin gidan cun premura. Ils uffants da la 3. e 4. classa e lur scolastas e scolasts preschentan divers aspects da las saivs vivas en referats curts. Silsuenter vegnan las saivs vivas tgiradas communablamain. Il davos vegn offerì a tuts ina flotta marenda.