Restai al current. Sin questa pagina chattais Vus novitads ed infurmaziuns davart nossa scola.
Nus savain communitgar ch’ì dat sin l’entschatta da l’onn da scola 2025-2026 la pussaivladad dad utilisar la surveglianza dals uffants en las localitads da scola. Quai vala da gliendisdi fin venderdi a partir da las 07:30 uras fin l’entschatta la l’emprima lecziun da la scolina ni da la scola primara.
Il cussegl da scola ed il cussegl da vischnanca èn sa decidì dad installar ina gruppa da lavur. Quella decisiun sa basa sin la petiziun “schlargiament da las structuras dal di da la scola” a Trin. La finamira è dad analisar la situaziun actuala, dad examinar variantas pussaivlas e lu finalmain far ina proposta ord la gruppa da lavur a las autoritads da vischnanca fin il december 2025. Ils 2 d’avrigl 2025 ha gì lieu la sesida da partenza da quella gruppa da lavur. Quella vegn moderada da Silvio Dietrich sQuola.ch. Ulteriurs commembers èn Christian Erni sco menader da scola, Daniela Capatt sco representanta da l’uniun Famicabel, Seraina Giger sco representanta dals geniturs e Silvia Capatt sco presidenta da scola e suprastanta dal departement furmaziun.
La saira da geniturs per las persunas cun represchentanza legala dals uffants da l’emprima classa ha lieu la mesemna, ils 27 d’avust 2025 las 19:30 uras. L’invit è suandà tras la persuna d’instrucziun da classa.
La saira da geniturs per las persunas cun represchentanza legala dals uffants da la 6avla classa ha lieu la gievgia, ils 28 d’avust 2025 las 19:00 uras. L’invit è suandà tras la persuna d’instrucziun da classa.
La saira da geniturs per las persunas cun represchentanza legala dals uffants da la 5avla classa ha lieu la gievgia, ils 25 da settember 2025 las 19:00 uras. L’invit suanda tras la persuna d’instrucziun da classa.
La saira da geniturs per las persunas cun represchentanza legala dals uffants da la terza classa ha lieu la mardi, ils 30 da settember 2025 las 19:00 uras. L’invit suanda tras la persuna d’instrucziun da classa.
Las muntinadas dal 2025 han lieu gievgia ils 2 d’october 2025 tenor il fegl sgulant che vegn in per dis avant en tut las chasadas. Las muntinadas èn in’occurenza obligatorica da la scola bilingua da Trin. Il proxim di entschaiva la scola ina lecziun pli tard. Quels geniturs che drovan ina surveglianza da lur uffant duain s’anninziar tier il mainascola.
La tgira da dents per tut ils uffants da scola ha lieu durant ina lecziun da scola. Informaziuns dettagliadas suondan.
Vegni a savair tut davart las proximas occurrenzas, projects ed annunzias impurtantas.
La scola da Trin communitgescha a partir da l’onn da scola da nov tut las infurmaziuns da las scolastas e dals scolasts da classa u da la direcziun da la scola via l’app Klapp. Quest chanal d’infurmaziun gida tranter auter d’infurmar uschè svelt sco pussibel davart lecziuns che crodan u davart midadas.
Scoletta
Gianna Cadalbert
Martina Koch
Monica Calonder (PI)
Primarschule
Alina Depeder – 1. classa
Kathrin Domeni & Petra Tuor – 2. classa
Christof Loher – 3. classa
Monica Calonder – 4. classa
Miriam Derungs – 5. classa
Larina Fravi & Simona Büchel – 6. classa
Christian Erni – persuna d’instrucziun spezialisada
Annabarbla Hyseni – persuna d’instrucziun spezialisada
Antonia Caspers – PI
Kathrin Domeni – PI
Petra Tuor – Rom spezial
Martina Caprez – Tud spezial
L’onn da scola 2025/26 cumenza glindesdi, ils 11 d’avust 2025. Sin l’entschatta da l’onn da scola 2025/26 han uffants da l’annada 2018 cuntanschì la vegliadetgna che oblighescha els dad ir a scola e l’annada 2020 ston visitar la scolina tenor la nova lescha da scola.
Ils abunaments per scolaras e scolars vegnan repartids l’emprim di da scola da la persuna d’instrucziun da classa. L’abunament da l’onn avant n’è betg pli valaivel. L’emprim di da scola san ils uffants ir senza abo a scola. Ils abos valan davent l’emprem d’avust 2025 e vala fin ils 31 da fenadur 2026. Tgi che less l’abunament anc en las vacanzas, duai prender si contact cun il mainascola. Ils abunaments per scolaras e scolars èn abunaments annuals, cun ils quals ils uffants pon ir da tuttas uras sin il tschancun definì. Possessuras e possessurs d’abunaments generals supplitgain nus da s’annunziar tar la direcziun da scola. Abunaments defects vegnan remplazzads gratuitamain, per abunaments pers vegnan mess a quint CHF 10.
Il Project en favur dal guaud da muntogna e la Maisa da mezdi porschan quest onn mintgamai ina maisa da mezdi. Infurmaziuns detagliadas han ils geniturs survegnì en ina brev separada.
Deplorablamain datti adina puspè cas dad uffants che vegnan tramess malsauns a scola/scoletta. Da princip vala che uffants malsauns ston restar a chasa enfin ch’els èn puspè sauns.