La scola da Trin communitgescha a partir da l’onn da scola da nov tut las infurmaziuns da las scolastas e dals scolasts da classa u da la direcziun da la scola via l’app Klapp. Quest chanal d’infurmaziun gida tranter auter d’infurmar uschè svelt sco pussibel davart lecziuns che crodan u davart midadas.

Scoletta
Gianna Cadalbert
Martina Koch
Monica Calonder (PI)

Primarschule
Kathrin Domeni & Petra Tuor – 1. classa
Alina Depeder – 2. classa
Monica Calonder – 3. classa
Christof Loher – 4. classa
Simona Büchel & Sarah Cadotsch – 5. classa
Miriam Derungs – 6. classa
Christian Erni – persuna d’instrucziun spezialisada
Annabarbla Hyseni – persuna d’instrucziun spezialisada
Antonia Caspers – PI
Kathrin Domeni – PI

L’onn da scola 2024/25 cumenza glindesdi, ils 12 d’avust 2024. Sin l’entschatta da l’onn da scola 2024/25 han uffants da l’annada 2017 cuntanschì la vegliadetgna che oblighescha els dad ir a scola.

Ils abunaments per scolaras e scolars vegnan repartids l’emprim di da scola da la scolasta u dal scolast da classa. L’abunament da l’onn avant è anc valaivel per l’emprim di da scola. Ils abunaments per scolaras e scolars èn abunaments annuals, cun ils quals ils uffants pon ir da tuttas uras sin il tschancun definì. Possessuras e possessurs d’abunaments generals supplitgain nus da s’annunziar tar la direcziun da scola. Abunaments defects vegnan remplazzads gratuitamain, per abunaments pers vegnan mess a quint CHF 10.

Il Project en favur dal guaud da muntogna e la Maisa da mezdi porschan quest onn mintgamai ina maisa da mezdi. Infurmaziuns detagliadas han ils geniturs survegnì en ina brev separada.

Deplorablamain datti adina puspè cas dad uffants che vegnan tramess malsauns a scola/scoletta. Da princip vala che uffants malsauns ston restar a chasa enfin ch’els èn puspè sauns.