Nossa scola è situada en il vitg pittoresc da Trin en il vest da la fracziun da Trin Vitg. En la chasa da scola sa chatta la scola primara, fertant che la scoletta è en la halla polivalenta dasperas. Per nus è l’integraziun da scolaras e scolars cun basegns spezials evidenta. Gia en scoletta cumenza l’instrucziun inclusiva.
Nus essan loschs che nossa scola contribuescha cun sia scolaziun bilingua al mantegniment da la lingua rumantscha. Questa diversitad singulara mantegna la tradiziun ed avra il medem mument novas portas. Nossas persunas d’instrucziun portan quest concept cun gronda premura e pussibiliteschan uschia ina furmaziun d’auta qualitad. Intgins roms instrueschan els per rumantsch, fertant che auters vegnan instruids per tudestg. Questa cumbinaziun prepara las scolaras ed ils scolars per la midada a la scola superiura tudestga a Flem.
Char(a)s habitonts da Trin, chars hosps
la gievgia, ils 8 d’october èsi puspé uschè lunsch – «Muntinadas» stattan avon l’isch.
Rimanda dals uffants da Trin vitg e Digg:
Gievgia, ils 8 d’october las 18:45 uras tar il reservuar da Sursch Trin – Vitg
Ruta: Partenza a Sursch (18:45 uras) – Tignuppa – Casa da la plaiv – Bavurca – Plaz dal Vitg– Visut – Purteglia – Portallavanda – Casa da scola (ca. 19:15 uras) – Muntegn – Nuglix – Zatorta – Bot Fiena – sessour apéro sper la Casa Selva (ca. 20:00 fin e temp da neir per ils uffants dals geniturs).
Perquai ch’il til sa esser stregn par ils pitgens uffants , san ils geniturs neir per ils uffants (sch’els lessan quai) al suandant “Checkpoint“: Trin (tar la chasa da scola) uschè circa 19:15 uras.
Besammlung dals uffants da Mulin:
Gievgia, ils 8 d’october las 18:45 uras tar il parcadi da passlung a Trin – Mulin
Route: Partenza tar il parcadi da passlung (18:45 uras) – Ringstrasse – Parlatsch – Via Cava – Plaz dal vitg – Ruegna – Tuff – Plaz dal vitg– Rezga /Alte Säge – sessour apéro (ca.19:45 fin e temp da neir per ils uffants dals geniturs).
Ils geniturs vegnan supplitgads da sa participar agl ur da la via ni a la fin dal til. En il til duain mo esser uffants. Grazia fitg.
A la fin dal offerescha l’uniun da traffic a tut ils uffants ed aspectatur(a)s in pitgen apéro.
Adatg: Duvrar ils parcadis a Porclis e Prau Davon.
Nus ans legrain da bler(a)s visitad(ra)es e aspectatur(a)s.
La mesemna, ils 04 da november 2026 ha lieu per las persunas in di da scolaziun a Trun. Per quai di croda la scola ora. Sch’enzatgi dovra per ses affon in’assistenza dal di, duai quella persuna s’annuziar tal la persuna d’instrucziun da classa.
