En quest camp regular vegnan las scolaras ed ils scolars da la 5. e 6. classa sensibilisadas e sensibilisads per in cumportament conscienzius cun la natira. Cuminaivlamain cun scolastas e scolasts, il lavuratori forestal ed auters spezialists emprendan ils giuvenils durant in’emna sin l’Alp Mora chaussas interessantas davart il guaud e sias funcziuns. L’alloschi durant quell’emna èn la stalla e la tegia da la pastriglia.